Presentacion
1 / Los chalets e la salla comuna
Nòstres chalets, confortables coma chal, per sieis personas, son tot bastits de fusta de Corresa (pinhier Doglàs). Los trobaretz a la broá de l’estanh de la Triosona a Nòuvic d’Ussèl.
Ente son aisinats, mancaretz pas de lai trobar :
- tota tranquillitat
- de qué lai s’ocupar : embe lo terren de petanca, la pescha sus l’estanh, l’airal per nodar ; e despuei vòstre chalet, un sendaron vos menará drech a l’estanh, sens rota de traucar. (visatz las autras activitats pus luenh)
- de qué far d’espòrt (esquí nautic, batèu a vela, randonadas, permenadas en forest) a quauquas minutas d’ente lujatz
- Nòuvic es pas ben luenh per far vòstras commissions
- de qué visitar : chastèls (Val, tors de Merle, Ventador), centre de chavals, permenadas en forest (a pè, embe la bicicleta, a chaval), barratges (Bòrd las Orgues, Lochastanh, Marejas, l’Agla), gòrjas de la
Dordonha e sos “miradors”, lo Pueg Mari, volcans e Puegs d’Auvernha, planetge de Miuvachas (tor panoramica dau Mont Besson, site de las eolianas), gabarras (dessús la Dordonha), Aus ’Gletons embe sas escòlas dau bastiment e daus trabelhs publics, a pas mai d’una ora de rota.
A 600 metres d’altituda al mieg de la natura corresiana, vos furnirem un alberjament qualitós. REPAUS – LESER – SUAUSOR Dins un environadís verdejant e solombrós, a l’abrò de l’aiga...
Dedins caracteristic d’un chalet
Coma son esgadas las peças
 |
Terrassa cubrida de 12 m²- Salon embe un canapè revirable.
- 2 chambras independentas – de qué jaire per 6 personas : 1 liech de 140, 4 liechs de 90, dels linçòus, del linge per se parelhar, los liechs son esgats.
- Banhador, comuns a despart.
|
Per lo minjar
 |
4 tacas electricas, forn embe virabròcha, chaminada-bufador per lo fum, micro-ondas.- Lava-vaissela, refregidor – congialador.
- Lava-linge.
- Vaissela completa furnida, cafetier, grilha-pan.
- Prests de taulas e de fers per repassar.
- Prests de besunhas de puericultura, petit liech per los babissons...
|
Per dejunar
 |
Pan tendre e pastissons a la comanda.
|
Per las nuechs
 |
Liechs per 6 personas, los esgam chada fin de setmana
|
Per lo repaus
 |
Mòbles dins l’òrt, barbecue (un amac se pòt ’trapar).- Accès drech devers l’aiga a quauques metres d’ente lujatz – p’una rota a traucar.
- Parc boisat embe dels vielhs vielhs faus remirables.
- Plaja adobada au còp solelhada e solombrosa.
|
Per las bravéias
 |
Una sala comuna de 60 m² embe terrassa, se pòt tanben ’trapar un bèl barbecue.
|
En arribant dins vòstre chalet per una setmana, seretz reçauguts embe quauquas bonas besunhas de minjar que se fan dins lo país, non mas per vòstre plaser
|
